Plantun de Prouvènço

Pèr coumpara dos planto d'encò nostre

Sparganium natans & Schistidium crassipilum

Varaioun(-nadant)

Sparganium natans

Typhaceae Sparganiaceae

Autre noum : Sagno.

Noms en français : Petit rubanier, Rubanier nageant.

Descripcioun :
Aquéu varaioun, rare au nostre, trachis dins li lau de mountagno, en pleino aigo. Pòu tapa de gràndi surfàci. Li fueio soun estrecho e loungarudo. Se destrìo dóu varaioun-di-fueio-estrecho, Sparganium angustifolium emé la baso de si fueio gaire engueinanto e gaire gounflo. Coumpara emé lou varaioun-di-fueio-estrecho que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 0,1 à 1 m
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Sparganium
Famiho : Typhaceae
Famiho classico : Sparganiaceae

Ordre : Poales

Coulour de la flour : Blanco
Petalo : ges
Ø (o loungour) enflourejado : 1 à 2 cm
Flourido : Estiéu

Sòu : Si
Autour basso e auto : 0 à 1900 m
Aparado : Noun
Juliet à avoust

Liò : Aigo - Lau
Estànci : Subaupen
Couroulougi : Bourealo
Ref. sc. : Sparganium natans L., 1753 (= Sparganium minimum Fr., 1846 )

Grimìo-de-la-pouncho-espesso

Schistidium crassipilum

Grimmiaceae

Nom en français : Grimmie à pointe épaisse.

Descripcioun :
La grimìo-de-la-pouncho-espesso dóu gènre Schistidium trachis en couissin pu o mens sarra e de coulour bruno à óulivo sus li roco cauquiero. Douno de ramo irreguliero que podon faire fin qu'à 5 cm d'aut. De proumié abord se recounèis à sis urno aurenjo 'mé uno couifo pounchudo roujo un pau espesso e peréu à si fueio en lanço verd-óulivo generalamen acabado pèr un pouncho ialino. Li dènt dóu peristome soun drecho e acabado pèr un pouncho bruno. La sedo jauno à aurenjo èi courteto (0,5 mm).

Usanço :
S'atrovo au nostre d'àutri meno dóu gènre Schistidium que ié sèmblo proun coume S. elegantulum, S. robustum, S. singarense nouma group Schistidium apocarpum.